Свет рушніковы – скарб адмысловы

27 красавіка ў Смаргонскай раённай бібліятэцы, у рамках Года малой радзімы, прайшла сустрэча ўдзельнікаў паважанага ўзросту аматарскага аб’яднання “Сустрэчы” і актыўных чытачоў з народным майстрам  Войтка Зоф’ей пад назвай “Свет рушніковы – скарб адмысловы”. Вядучыя Лаўранкова Н. У. і Шуневіч Д. У. зрабілі экскурс у гісторыю беларускага ручніка і вышыўкі ўвогуле. Госці мерапрыемства даведаліся, что ручнік – гэта не проста прыгажосць, але і гісторыя нашых продкаў, багацце духоўнай спадчыны. Майстрыха расказала аб тым, як вышыўка стала яе спадарожніцай з самага маленства. З вялікай удзячнасцю яна ўспомніла сваю дарагую настаўніцу Марыю Ільінічну Радышэўскую, прадаўжальніцай справы якой з гонарам лічыць сябе Зоф’я Войтка.

Сустрэча прайшла ў цёплай і ўтульнай атмасферы, прысутныя ў прыпаднятым настроі правялі свой час і з вялікім задавальненнем прагледзелі выставу ручнікоў майстра. Вялікую цікавасць у гасцей выклікаў майстар-клас, на якім яны змаглі бліжэй пазнаёміцца з цудоўным мастацтвам вышывання. Зоф’я Войтка адзначыла, што вышыўка ў доме – гэта абярэг, у які ўкладаецца душа.

 

Сегодня модно быть здоровым

12 красавіка ў філіяле “Гарадская бібліятэка №1”  для ўдзельнікаў клуба “Ліра” і актыўных чытачоў быў праведзены кірмаш карысных парад “Сегодня модно быть здоровым”. На мерапрыемстве размова ішла аб правільным харчаванні, вядзенні здаровага ладу жыцця.  На сустрэчу былі запрошаны ўрач-тэрапеўт В.А. Лукашэвіч і памочнік урача А.В. Шаўлахашвілі філіяла раённай паліклінікі мікрараёна “Усходні”. Прысутныя мелі магчымасць змераць артэрыяльны ціск, абмеркаваць са спецыялістамі пытанні, якія іх цікавяць. Бібліятэкары звярнулі ўвагу гасцей на такую радыцыйную форму аздараўлення арганізма, як бібліятэрапія і падрыхтавалі жартоўную сцэнку “На прыёме ў доктара”. Вялікую цікавасць выклікала электронная прэзентацыя “Топ 10 кніг для здароўя”.

Хатынь – горесть и боль Беларуси

19 сакавіка ў Смаргонскай раённай бібліятэцы прайшла літаратурна-музычная кампазіцыя «Хатынь – горесть и боль Беларуси», прысвечаная 75-годдзю Хатынскай трагедыі. На мерапрыемства запрасілі  навучэнцаў Смаргонскага дзяржаўнага політэхнічнага прафесійнага ліцэя. Вядучыя Лаўранкова Н.У. і Станевіч А.А. пазнаёмілі прысутных з трагічнымі старонкамі гісторыі беларускай вёскі Хатынь, якая ў наш час стала мемарыяльным комплексам ахвярам фашысцкага тэрору на беларускай зямлі:

Хатынь! Хатынь! Хатынь!

Я слышу,

Как набатом боль стучится.

Мороз по коже.

Стой! Замри! Застынь!

И как же это всё могло случиться?! 

На працягу мерапрыемства дэманстраваліся кадры слайд-фільма, прысвечанага 75-годдзю з дня трагедыі Хатыні.

У кніг не бывае канікул 

19 сакавіка ў актавай зале УА “Смаргонская дзіцячая школа мастацтваў імя М.К.Агінскага”, у межах Года малой радзімы, адбылося ўрачыстае адкрыццё Тыдня дзіцячай кнігі пад назвай “У кніг не бывае канікул”. Супрацоўнікі філіяла “Раённая дзіцячая бібліятэка” запрасілі на свята вучняў 7-8 класаў школ горада.

Ганаровымі гасцямі мерапрыемства ў гэтым годзе сталі: вядомы беларускі пісьменнік, гісторык, паэт, аўтар больш за 30 кніг Уладзімір Аляксеевіч Арлоў і вядомы перакладчык Ігар Барысавіч Крэбс.

Пад песню “Спадчына” вучні ў выглядзе “жывых кніг” – вокладак твораў Арлова, пазнаёмілі прысутных з яго творчасцю. У. Арлоў і І. Крэбс, у сваю чаргу, не толькі расказалі пра сябе і свае творы, але і ў інтэрактыўнай форме правялі з залам віктарыны і літаратурныя гульні, шчодра ўзнагароджваючы пераможцаў.

Падчас свята ў зале прагучалі вершы і песні на словы класікаў беларускай літаратуры Я. Коласа, Р. Барадуліна, верш нашага земляка А. Цяжкага  “Мілы край мой, Смаргоншчына – маці…”.

Вядучыя запрасілі адзначыць свята кнігі на працягу вясенніх канікул у бібліятэкі горада, дзе наведвальнікаў чакае шэраг цікавых мерапрыемстваў.

О Дине Рубиной с любовью 

5 сакавіка, напярэдадні Міжнароднага жаночага дня, у літаратурна-музычнай гасцёўні «Сустрэчы» Смаргонскай раённай бібліятэкі прайшла літаратурная гадзіна «О Дине Рубиной с любовью».

На мерапрыемства былі запрошаны чытачы, якія захапляюцца творамі вядомай пісьменніцы, яркай прадстаўніцы сучаснай жаночай прозы, аўтара больш за 40 кніг.

Вядучыя мерапрыемства Д.Шуневіч і Н.Лаўранкова цікава распавядалі аб жыццёвым і творчым станаўленні сучаснай расійскай пісьменніцы. Многія творы Дзіны Рубінай сталі бестселерамі ў розных краінах свету і былі перакладзеныя на некалькі дзесяткаў моў. Яе кнігі адрозніваюцца яркім сюжэтам, тонкім гумарам і каларытнай мовай. Характэрна, што пісьменніца была неаднаразова адзначана шматлікімі прэстыжнымі літаратурнымі ўзнагародамі. Пісьменніца працягвае актыўна працаваць, адбыўся выхад кароткаметражнага фільма «Канец эпохі» па творы Дзіны Рубінай. Цікавы факт: рассказ пісьменніцы пад назвай «Цыганкі» заснаваны на рэальнай гісторыі з жыцця пісьменніцы.

На мерапрыемстве дэманстравалася электронная прэзентацыя і відэаролікі па найбольш знакамітых творах Дзіны Рубінай, такіх, як «Синдром Петрушки» і «Русская канарейка», гучалі байкі, урыўкі з твораў і маленькія апавяданні.

Закончылася мерапрыемства цёплымі словамі віншаванняў усіх прысутных жанчын з нагоды 8 сакавіка.

Запрашаем на вячоркі

18 студзеня 2018 года, у вечар перад Вадохрышчам, у Смаргонскай раённай  бібліятэкі ладзілася літаратурна-музычная вечарына пад назвай “Запрашаем на вячоркі”. На мерапрыемства, якое праходзіла ў рамках гасцёўні “Сустрэчы”, былі запрошаны самыя актыўныя чытачы бібліятэкі і лепшыя прадстаўнікі інтэлегенцыі горада.

Вядучыя Лаўранкова Н.У. і Станевіч А.А. распавядалі пра зімовыя народныя святы, звычаі, абрады і традыцыі. Паласвацца на свята завіталі калядоўшчыкі з “зоркай”, фальклорнай музыкай і Казой.

На працягу усяго мерапрыемства гучалі народныя спевы ў выкананні ўзорнага ансамбля “Кучарочкі” пад кіраўніцтвам Захаравай А.Д.

Напрыканцы мерапрыемтва госці падтрымалі народныя традыцыі і прынялі ўдзел ў вадохрышчанскіх гаданнях на кававай гушчы. Было вельмі весела і душэўна – адбыліся сапраўдныя Вячоркі.

 

 Калядныя вячоркі

15 студзеня ў філіяле “Ракавецкая сельская бібліятэка-клуб” адбыліся  “Калядныя вячоркі”. Спачатку мерапрыемства бібліятэкар паведаміла аб тым, што нашы продкі з нецярпеннем чакалі Калядаў і спадзяваліся на цуд. Толькі вось традыцыі святкавання былі крыху іншымі чым сёння, але пры правядзенні вячорак выкарыстоўваліся мясцовыя звычаі, традыцыі, народны фальклор. Падчас мерапрыемства калядоўшчыкі, апранутыя ў тэатралізаваныя касцюмы Казы, Чорта, Цыгана спявалі калядныя песні, жадалі гаспадарам шчасця, праводзілі гульні, а затым запрашалі ўсіх катацца на санках.