Галоўная Структура Навіны Анонсы Паслугі Электронны каталог

 

Гісторыя
Нашы дасягненні
Бібліёбус
Новыя паступленні
Перыядычныя выданні
ПЦПI
Бібліятэкарам
Відэаагляды
Архіў навін
Важнейшыя падзеі 2016 года
Прыём грамадзян
Зваротная сувязь

 

 

 

 

Навіны

Рэспубліканскія бібліятэкі:

Абласныя бібліятэкі:


Ой, ма-мач-кі і іх дзеткі 

Бібліятэкары філіяла “Гарадская бібліятэка №2” да Дня маці падрыхтавалі фотавыставу “Ой, ма-мач-кі і іх дзеткі”. На працягу тыдня ўсе маці, якія мелі патрэбу ў кнізе, маглі бясплатна карыстацца фондам павышанага попыту.

Абнавіліся  выставы ў “Літаратурным кафэ”. “Крыху празаічнай восені і жменя паэтычных радкоў” – новая выстава і бібліяграфічны агляд падымаюць настрой чытачам.

Наверх


А музыка гучала… 

16 кастрычніка ў рамках гасцёўні “Сустрэча” Смаргонская раённая бібліятэка правяла прэзентацыю кнігі сваёй зямлячкі Веры Іосіфаўны Вайцюль.

Зборнік паэзіі Веры Вайцюль называецца “А музыка гучала” і сапраўды на гэтай сустрэчы гучала музыка ў такіх пранізлівых, і такіх мілагучных вершах паэткі, гучала музыка і ў выкананні выкладчыкаў Смаргонскай школы мастацтваў імя М.К. Агінскага.

 Шмат было сказана прыемных і цёплых слоў у гонар Веры Вайцюль, як асобы і як паэткі. Зацікавіў усіх амаль навучны, семантычны аналіз твораў Веры Іосіфаўны з вуснаў яе школьнай настаўніцы – Кулевіч Я.Б., якая з захапленнем падрабязна распавядала аб творчым станаўленні паэткі. Крануў выступ роднай цёці Веры Вайцюль, якая чытала вершы і спявала на польскай мове.

Паколькі прэзентацыя зборніка вершаў супала яшчэ з адным святам – Днём маці, для шаноўнай Веры Іосіфаўны і для ўсіх прысутных жанчын у падарунак прагучалі цудоўныя песні ў выкананні народнай вакальнай групы “Кантабіле”.

Увогуле, мерапрыемства прайшло ў цёплай сардэчнай атмасферы, а прыхільнікі творчасці Веры Іосіфаўны змаглі набыць кнігу з яе аўтографам.

Наверх


Золотые руки матери 

15 октября в филиале «Раковецкая сельская библиотека-клуб» прошла праздничная литературно-музыкальная программа «Золотые руки матери», посвящённая Дню матери. Для всех присутствующих мам  прозвучало много тёплых слов, поздравлений, стихов. Никого не оставили равнодушными  юмористические и забавные истории, прозвучавшие в исполнении самодеятельных артистов. Порадовали весёлые и задорные песни вокальной группы «Сябровачкі» сектора культуры и досуга «Кревский Дом культуры».

Наверх


Добрых матуліных рук майстэрства

Да Дня маці супрацоўнікі філіяла “Гарадская бібліятэка №1” арганізавалі выставу творчых работ пад назвай “Добрых матуліных рук майстэрства”. На выставе былі прадстаўлены карціны Пупкевіч Т.В., гэта вышыўка бісерам, ніткамі і карціны з ляпнінай. Канаплёва Л.М. прэзентавала  на выставу работы з ільну, а Лукашэвіч Л.А. рукзачкі і іншыя аксесуары, якія яна шые для сваей дачушкі. Цікавыя  кампазіцыі з бісеру на выставу  прадставіла Мазай М.Ф., а вязаныя фрукты прапанавала гледачам Попель Л.Э. А яшчэ гэтыя жанчыны  актыўна чытаюць у нашай бібліятэцы.

Наверх


Песня матулінага сэрца… 

12 кастрычніка, напярэдадні Дня маці, шаноўных і паважаных матуль, запрасілі работнікі філіяла “Гарадская бібліятэка №3” на святочнае мерапрыемства “Песнь материнского сердца”. На працягу вечарыны гучалі цёплыя словы віншаванняў. Дзеці і матулі прымалі актыўны ўдзел у забаўляльных гульнях, конкурсах і віктарынах. У падарунак для прысутных прагучалі песні ў выкананні Таццяны Мамчыц, вершы і віншаванні ад Ульяны Дагоцкай. Вядучыя падаравалі матулям кнігі і пачаставалі гасцей гарбатай з салодкімі прысмакамі. Свята аставіла добры настрой і радасць у душах удзельнікаў.

Наверх


Восень шчодра зазывае ў госці 

Фальклорнае свята «Восень шчодра зазывае ў госці» адбылося ў філіяле «Сасноўская сельская бібліятэка-клуб». Восень – выдатная пара года для стварэння розных вырабаў.  Пераўвасабленне прыроднага матэрыялу вучыць назіраць і эксперыментаваць, здзіўляцца, радавацца і тварыць, таму  жыхарам в. Сасноўка было прапанавана зрабіць вырабы з прыроднага матэрыялу да выставы  «Восеньcкая фантазія».

Усе ўдзельнікі мерапрыемства атрымалі  сапраўдную асалоду ад выставы і вясёлых прыпевак і народных песень у выкананні ўдзельнікаў мастацкай самадзейнасці філіяла.

Наверх


Зямны паклон табе, матуля! 

Напярэдадні Дня маці ў філіяле «Сасноўская сельская бібліятэка-клуб» адбылася вечарына «Зямны паклон табе, матуля!». Перад прысутнымі выступіў самадзейны ансамбль «Крынічанька» пад кіраўніцтвам Васіля Карпеца. У выкананні  ансамбля прагучалі народныя песні і песні сучасных беларускіх аўтараў. Вольга Андрушчанка і Ірына Ґаева чыталі ўласныя вершы. На «ура» ўспрымалася гледачамі выступленне  музыканта і кампазітара Васіля Карпеца. 

Кастрачнік багаты сваімі святамі, таму бібліятэкар і ўдзельніцы ансамбля павіншавалі гасцей з Днём настаўніка, Днём пажылых людзей, Днём работніка культуры.

На працягу ўсяго мерапрыемства ў зале панавала атмасфера добрага настрою і ўтульнасці.

Наверх


Пока горит свеча

4 кастрычніка супрацоўнікі філіяла “Гарадская бібліятэка №1” арганізавалі літаратурна-музычную вечарыну “Пока горит свеча”. Падчас  мерапрыемства вядучая паведала пра сімволіку свечкі ў хрысціянстве, расказала пра абрады, звязаныя з ёй. Асаблівую ўвагу бібліятэкары акцэнтавалі на вобразе свечкі ў творчасці знакамітых пісьменнікаў і паэтаў. Вераніка Грышанава  ў вобразе “каралевы свечак” чытала вершы і прытчы.  Людміла Канаплёва правяла майстар-клас па ўпрыгожванню святочнай  свечкі. На працягу сустрэчы  гучалі музычныя нумары ў выкананні ўзорнага ансамбля ”Чароўная скрыпка” (мастацкі кіраўнік Жук В.М.). Увазе прысутных была прадстаўлена электронная прэзентацыя “Свеча – пламень любви” і выстава “Негасимое пламя свечи”.

Наверх


Умеюць бабулі ствараць прыгажосць

3 кастрычніка ў філіяле “Лешчаняцкая сельская бібліятэка” для дзяцей прайшла этнагадзіна ”Умеюць бабулі ствараць прыгажосць”. Удзельнікам мерапрыемства была прадстаўлена  выстава вырабаў мясцовых майстрых, праведзена экскурсія ў музей народнай творчасці пры Лешчаняцкім сельскім клубе. Бібліятэкар пазнаёміла прысутных з асаблівасцямі народнага мастацтва нашай мясцовасці.

Наверх


Бібліятэка – скарбніца ведаў

2 кастрычніка супрацоўнікі Смаргонскай раённай бібліятэкі правялі для вучняў 7 “В” класа УА “Сярэдняя школа №6” пазнавальную экскурсію пад назвай “Бібліятэка – скарбніца ведаў”.

Бібліятэкар чытальнай залы Лаўранкова Н.У. расказала аб ролі бібліятэк у развіцці чалавецтва. Госці мерапрыемства даведаліся аб цікавых фактах з жыцця некаторых знакамітых людзей, якія ў свой час набылі прафесію бібліятэкара. Мерапрыемства суправаджалася віртуальнай экскурсіяй па бібліятэках свету.

Наверх


Да род(з)най кнігі: з вядучымі беларускімі выдавецтвамі 

У рамках інфармацыйнага тыдня “Чытаем і гаворым па-беларуску” і да Дня беларускага пісьменства бібліятэкары філіяла “Гарадская бібліятэка №2” прадставілі шэраг матэрыялаў, прысвечаных беларускаму першадрукару Ф. Скарыне і яго роднаму гораду, а таксама прадставілі беларускія выдавецтвы і лепшыя кнігі на выставе “Да род(з)най кнігі: з вядучымі беларускімі выдавецтвамі”, каб сцвердзіць: папяровая кніга не губляе актуальнасці ў час лічбавых тэхналогій.

Бібліятэка працягвае свае кніжныя сезоны ў “Літаратурным кафэ”. “Зазіраем у восень з кнігай” – з такім заклікам звярнуліся бібліятэкары да сваіх чытачоў і прадставілі кнігі лаўрэатаў Нацыянальнай літаратурнай прэміі, якую сёлета на Дні пісьменства ўручалі з асаблівай цырымоніяй.

Наверх


Беражыся аўтамабіля 

22 верасня ў межах акцыі “Міжнародны дзень без аўтамабіля” Смаргонская раённая бібліятэка правяла інфармацыйную гадзіну пад назвай “Беражыся аўтамабіля”.

Вядучая Лаўранкова Н.У. распавядала аб экалагічных абставінах ў свеце і аб неабходнасці, у сувязі з гэтым, карыстацца грамадскім транспартам ці роварам, альбо, ўвогуле, здзяйсняць пешыя вандроўкі.

На мерапрыемстве прысутнічалі прадстаўнікі мясцовага тэлебачання, якія падрыхтавалі невялічкі сюжэт пра выставу, прысвечаную Міжнароднаму дню без аўтамабіля і аб бібліятэцы ўвогуле.

Наверх


Не лёгкім, я гэта помню, быў песні маёй пачатак 

У межах інфармацыйнага тыдня “Гаворым і чытаем па-беларуску” біліятэкары філіяла “Гарадская бібліятэка №3” 16 верасня запрасілі вучняў 8 класа  УА “Сярэдняя школа №1” на літаратурную гадзіну  пад назвай “Не лёгкім, я гэта помню, быў песні маёй пачатак”, прысвечаную 105-годдзю з дня нараджэння Максіма Танка. На працягу мерапрыемства шмат было пачута пра паэта, пра яго жыццё і творчасць.  Амаль кожны з прысутных прачытаў верш, які больш за ўсё спадабаўся. Бібліятэкар правяла  віктарыну па творчасці М.Танка. Да мерапрыемства была аформлена кніжная выстава.


Часоў былых і новых сувязь

16 верасня Смаргонская раённая бібліятэка прымала ўдзел у першым рэгіянальным фестывалі-кірмашы “Смаргонскія абаранкі”. Супрацоўнікі запрашалі на літаратурна-гістарычную пляцоўку “Часоў былых і новых сувязь”, дзе праходзілі розныя мерапрыемствы.

Госці свята змаглі пазнаёміцца з тэматычнай кніжнай выставай і набыць буклет з традыцыйнай рэцэптурай абаранак, паглядзець лялечнае прадстаўленне “Ехаў воз, поўны баранак і дзівосаў”, выбраць па густу кнігі з кніжнага развала “Что вы предпоЧИТАЕТЕ?”, паўдзельнічаць у бібліятэчным атракцыёне.

З задавальненнем маленькія госці свята прымалі ўдзел у цікавай віктарыне аб гісторыі абаранак. Сэлфі са смаргонскай абаранкай, перапісванне пяром рацэптаў абаранак прыцягвала да сябе неабыякавых удзельнікаў фестывалю. Дзеці з адмысловага цеста ляпілі абаранку і размалёўвалі яе, за што атрымоўвалі рознакаляровыя шарыкі. Аматары мастацкага роспісу твару з ахвотай карысталіся паслугай «Аквагрим».

Наверх


Бібліятэкар у вобразе 

13 верасня, да Дня бібліятэк, супрацоўнікі Смаргонскай раённай бібліятэкі правялі конкурс паміж работнікамі гарадскіх і сельскіх бібліятэк. Мерапрыемства пад назвай “Бібліятэкар у вобразе…” праходзіла ў філіяле “Гарадская бібліятэка №3”.

Удзельнікі конкурсу прапанавалі гледачам сцэнкі, у якіх бібліятэкары былі прадстаўлены ў вобразе знакамітых літаратурных герояў. Выступы суправаджаліся аўдыё- і відэаматэрыяламі, што надавала больш цікавы і захапляльны выгляд відовішча.

Першае месца атрымалі бібіліятэкары Кацярына Махнач і Анастасія Кезік (філіялы “Асінаўшчызненская сельская бібліятэка” і “Жодзішкаўская сельская бібліятэка”) за выступленне пад назвай “Письмо Татьяны” (А. С. Пушкін “Евгений Онегин”) у класічнай і сучаснай інтэрпрэтацыі.

На другім месцы апынуліся работнікі філіялаў “Сасноўская сельская бібліятэка-клуб”, “Ракавецкая сельская бібліятэка-клуб” і “Крэўская сельская бібліятэка”. Самадзейная “трупа” ў складзе Кацярыны Варанішча, Марыі Шэлег, Яўгеніі Гурштыновіч прапанавалі сцэнку П. Васючэнкі “Жылі-былі паны Заблоцкія і Кубліцкія”.

Трэцім месцам была адзначана бібліятэкар Ірына Краўчанка з філіяла “Гарадская бібліятэка №3”. Яна падрыхтавала цікавую прызентацыю пад назвай “Литературное зазеркалье”. Асоба бібліятэкара была адлюстравана на вокладках як сучасных, так і класічных жаночых раманаў.


Імя славутае ў вяках

14 верасня ў межах інфармацыйнага тыдня “Гаворым і чытаем па-беларуску” бібліятэкарам філіяла "Войстамская сельская бібліятэка" праведзена літаратурная вечарына пад назвай "Імя славутае ў вяках". У мерапрыемстве прынялі ўдзел вучні мясцовай школы. Яны з цікавасцю слухалі бібліятэкара, якая распавядала пра гісторыю беларускага пісьменства, пра нашых славутых першапачынальнікаў Францыска Скарыну, Еўфрасінню Полацкую, Кірыла Тураўскага, Сімяона Полацкага. Успомнілі творы нашых славутых песняроў Янкі Купалы і Якуба Коласа.


Кніга - каштоўны скарб чалавека 

У межах інфармацыйнага тыдня “Гаворым і чытаем па-беларуску” 12 верасня ў філіяле “Гарадская дзіцячая бібліятэка” адбылася інтэрактыўная віктарына “Кніга - каштоўны скарб чалавека”. На мерапрыемства былі запрошаны вучні 3 “Б” класа УА “Сярэдняя школа №5”.

Вядучыя правялі віктарыну па творах беларускіх дзіцячых аўтараў, былі прачытаны ўрыўкі з кніг Р.Баравіковай і У.Ліпскага “Пра Бусю, які жыве на Беларусі” і “Прыгоды Нуліка”. Дзеці прынялі ўдзел у конкурсе прымавак і прыказак, адгадвалі загадкі.

Наверх


Жывое ў вяках беларускае слова

1 верасня ў чытальнай зале Смаргонскай раённай бібліятэкі адбылася сустрэча “Жывое ў вяках беларускае слова”, прымеркаванае да Дня беларускай пісьменнасці.

На мерапрыемства былі запрошаны вучні 11 класа ДУА “Сярэдняя школа  №2 г. Смаргоні”. Вядучая Лаўранкова Н.У. расказала прысутным аб неабходнасці  кожнага размаўляць на роднай мове, таму што наша мова заслугоўвае таго, каб яе любілі і на ёй гаварылі. На працягу сустрэчы гучалі вершы вядомых беларускіх класікаў і ўрыўкі беларускіх музычных твораў.

Мерапрыемства суправаджалася мультымедыйнай прэзентацыяй.


Дню ведаў – добры дзень!

1 верасня на размову за круглым сталом пад назвай “Дню ведаў – добры дзень!”, прысвечанай Дню ведаў, былі запрошаны вучні 8 класа школы №1. Гутарка вялася аб 500-годдзі гісторыі беларускага кнігадрукавання. Бібліятэкары расказалі пра асветнікаў беларускага народа, сусветна-прызнаных асоб: Францыска Скарыну, і Кірылу Тураўскага, Міколу Гусоўскага і іншых. Быў прадэманстраваны відэаролік пад назвай “500 лет истории белорусского книгопечатания”, а таксама праведзена віктарына, прысвечаная жыццёваму і творчаму шляху Ф. Скарыны. Вучні пазнаёміліся з кніжнай выставай пад назвай “Кім быў і хто для нас ёсць сёння Францыск Скарына”.


У спадчыну – добрае, роднае слова

1 верасня аддзел культуры і вольнага часу “Вішнеўскі Дом культуры” і філіял “Вішнеўская сельская бібліятэка” ладзілі літаратурную сустрэчу “У спадчыну – добрае, роднае слова”, прысвечаную Дню беларускага пісьменства.

Пачалося мерапрыемства песняй на словы Янкі Купалы “Спадчына”. Вядучыя Жураўлёва В.Р. і Дыро А.Л. пазнаёмілі прысутных з жыццёвым і творчым шляхам першага кнігадрукара Ф. Скарыны. У выкананні ўдзельнікаў гуртка “Мастацкае чытанне” гучалі вершы беларускіх паэтаў у гонар вялікага асветніка.Прысутныя паглядзелі відэафільм, прынялі ўдзел у віктарыне, пазнаёміліся з кніжнай выставай “Маршрутамі кніжнага слова”.


У каждого свой путь, своя дорога

15 жніўня ў філіяле “Залеская сельская бібліятэка” адбылася творчая сустрэча з мясцовай паэткай Козел Валянцінай Мікалаеўнай пад назвай “У каждого своего пути, своя дорога»

Вялянціна Мікалаеўна выказвае ў вершах усе падзеі свайго жыцця: шчасце і гора, радасць і смутак.

Наведвальнікі пазнаёміліся з творчасцю Валянціны Мікалаеўны, з вершамі, прысвечанымі роднай вёсцы, прыродзе, каханню, адносінам паміж людзьмі.


Куточак родны, сэрцу мілы… 

6 жніўня з нагоды фэсту ў Данюшаўскім касцёле Святой Троіцы, ладзілася  традыцыйнае свята вёскі Данюшава пад назвай “Куточак родны, сэрцу мілы…”. Дзеянне разгарнулася на пляцоўцы каля касцёла. Пасля Святой Імшы ў касцёле святочную праграму працягвалі ўдзельнікі мастацкай самадзейнасці філіяла “Сасноўская сельская бібліятэка-клуб” і ўдзельнікі народнага  калектыву народнай песні і танца “Вечарынка” аддзела культуры і вольнага часу “Жодзішкаўскі Дом культуры”. У іх выкананні прагучалі  вершы і народныя песні, песні ваенных і пасляваенных гадоў.

Была аформлена выстава народнай творчасці жыхароў вёскі. Бібліятэкар паведала гісторыю вёскі і касцёла, пабудаванага з дрэва ў 1809 годзе.  Не засталіся без увагі старэйшыя  жыхары вёскі, шматдзетныя  маці, самыя маленькія жыхары вёскі, гаспадары  лепшых сядзіб і працаўнікі сельскай гаспадаркі. Усе яны атрымалі музычныя падарункі і шчырыя апладысменты.

Наверх


Лёс. Творчасць. Памяць

4 жніўня ў філіяле “Гарадская бібліятэка №3” адбылася літаратурная гадзіна пад назвай “Лёс. Творчасць. Памяць”, прысвечаная 100-годдзю з дня нараджэння Янкі Брыля, на якую былі запрошаны чытачы бібліятэкі.

Бібліятэкары расказалі аб творчым і жыццёвым шляху народнага пісьменніка Беларусі, прачыталі ўрыўкі з твораў Я.Брыля: “Маці”, “Сірочы хлеб”, “Цюцік”, “Я з вогненнай вёскі”.

Прысутныя актыўна ўдзельнічалі ў літаратурнай віктарыне “Асколачак Вясёлкі” і з задавальненнем разгадвалі крыжаванку пад назвай “Адгадай, ды не памыліся”, папярэдне падзяліўшыся на дзве каманды: хлопчыкаў і дзяўчынак.  

Да мерапрыемства была падрыхтавана выстава кніг пад назвай “Янка Брыль. Сцежкi, дарогi, прастор...”

Наверх


Волат беларускага слова

 29 ліпеня філіял “Сінькоўская сельская бібліятэка” запрасіла чытачоў на літаратурна-паэтычную гадзіну “Волат беларускага слова”, прысвечаную 135-годдзю з дня нараджэння Янкі Купалы. Аднавяскоўцы Бабенка С., Варпаховіч З. і Руткоўская Н. распавядалі аб асноўных падзеях жыцця беларускага класіка Я.Купалы. Нацыянальны каларыт мерапрыемству надалі беларускія народныя строі ўдзельнікаў.  Прагучалі вершы К.Буйло, В.Зуёнка, У.Карызны, К. Кірэенка, П.Панчанкі, М.Арочкі, прысвечаныя Я.Купалу. Закончылася мерапрыемства фанаграмамі песень “А на Купала сонца рана грала”, “Абеліскі”, “Памяць сэрца”,  “Янка Купала” . Увазе прысутных была прадстаўлена мультымедыйная прэзентацыя “І сёння з намі Купала і Колас”.

Наверх


11 ліпеня у філіяле "Асінаўшчызненская сельская бібліятэка" адбылася літаратурная гадзіна «Не змоўкнуць ніколі ў свеце Купалавы словы» да 135-годдзя з дня нараджэння Янкі Купалы. Да мерапрыемства была аформлена выстава “Беларускай песні ўладар” аб жыцці і творчасці Янкі Купалы. Таксама паведаміла дзецям аб лёсе вялікага беларускага пісьменніка. Аляксей Супрановіч прачытаў верш «Роднае слова», а Валерыя Грыгаровіч - «Спадчына».

Наверх


11 ліпеня бібліятэкар філіяла “Жодзішкаўская сельская бібліятэка” правяла конкурсную праграму пад назвай “Сказочная карусель” у дзяржаўнай выхаваўча-аздараўленчай установе адукацыі “Смаргонскі лагер “Арленак”. Падчас мерапрыемства дзеці азнаёміліся з гісторыяй рускіх народных казак, даведаліся якія бываюць казкі і для чаго яны патрэбны.  Дзеці адказвалі на пытанні бібліятэкара, актыўна ўдзельнічалі ў гульні “Путаница”, слухалі аповед бібліятэкара аб ўтварэнні казкі, а потым адказвалі на пытанні, глядзелі малюнкі з казачнымі героямі і адгадвалі назву казкі.

Наверх


10 ліпеня Смаргонская раённая бібліятэка ў чарговы раз прыняла ўдзел у абласной акцыі “Чытаем разам”, якая стартавала ў 2016 годзе.       

Літаратурная гадзіна “З думай пра Беларусь” ладзілася з нагоды 135-годдзя з дня нараджэння беларускіх класікаў – Янкі Купалы і Якуба Коласа. На мерапрыемства былі запрошаны дырэктар дзяржаўнай установы культуры “Смаргонская раённая бібліятэка” Дурэйка З.А., загадчык аддзела абслугоўвання Мялюк Т.Г. і навучэнцы школ горада, якія працуюць ў вытворчых брыгадах ў вольны ад вучобы час.

Вядучая мерапрыемства Лаўранкова Н.У. расказала аб асноўных этапах творчага жыцця нашых нацыянальных песняроў – Я. Коласа і Я. Купалы, а госці мерапрыемства разам чыталі найбольш вядомыя вершы класікаў беларускай літаратуры: “Роднае слова”, “Мой край”, “А хто там ідзе?” і іншыя.

Наверх


Прывітанне, зямляк!

9 ліпеня філіял “Ракавецкая сельская бібліятэка-клуб” праводзіў традыцыйнае літаратурна-музычнае свята ў аграгарадку Ракаўцы “Прывітанне, зямляк!”. Халоднае надвор’е не сапсавала настрой гледачам і артыстам. Да ўвагі прысутных была аформлена  выстава народных вырабаў мясцовых майстроў. Для вяскоўцаў гучалі  словы падзякі і віншаванні. Па традыцыі быў адзначаны самы маленькі і самы старэйшы жыхар вёскі. Самадзейныя артысты падрыхтавалі музычныя нумары. Дзеці таксама  парадавалі гледачоў сваімі вершамі, песнямі і нават ўсходнімі танцамі. Падарункам для ўсіх было выступленне вакальнай групы прыгожых дзяўчат з Вілейскага раёна.

Наверх


Сцежкамі песняроў зямлі беларускай

6 ліпеня ў філіяле “Гарадская бібліятэка №1” адбылася літаратурная гадзіна “Сцежкамі песняроў зямлі беларускай”, прысвечаная 135-годдзю з дня нараджэння беларускіх класікаў – Янкі Купалы і Якуба Коласа. Вядучая Алена Васілеўская расказала аб цікавых фактах з жыцця вялікіх класікаў нацыянальнай літаратуры. Былі зачытаны найбольш вядомыя ўрыўкі з твораў Я.Купалы і Я.Коласа, гучалі фанаграмы песень на іх вершы. Увазе прысутных была прадстаўлена мультымедыйная прэзентацыя “І сёння з намі Купала і Колас”.

Наверх


Праз горач страт да Перамогі

4 ліпеня ў філіяле “Войстамская сельская бібліятэка” прайшоў вечар - успамін пад назвай “Праз горач страт да Перамогі” прысвечаны да дня Незалежнасці Рэспублікі Беларусь.

Бібліятэкар расказала прысутным аб вызваленні беларускага народа ад фашысцкіх захопнікаў. Дзеці чыталі вершы на ваенную і патрыятычную тэмы, з дапамогай электроннай прэзентацыі разглядалі фотаздымкі з архіваў фотахронікі БелТА.

Хвілінай маўчання ўшанавалі памяць усіх, хто загінуў у часы Вялікай Айчыннай вайны.

Напрыканцы мерапрыемства да ўвагі прысутных была прадстаўлена  мініяцюра “Жаночы подзвіг” у выкананні ўдзельнікаў аматарскага аб’яднання “Вясёлка”.

Наверх


Квітней пад сонцам, наша Беларусь!

3 ліпеня на раённым свяце прысвечанам Дню Незалежнасці, у гарадскім парку, супрацоўнікі Смаргонскай раённай бібліятэкі арганізавалі літаратурную алею пад назвай «Квітней пад сонцам, наша Беларусь!».

Жыхары горада і раёна змаглі наведаць «Чытальную залу пад адкрытым небам»; пазнаёміцца з тэматычнай выставай «Кніга на хвалях часу» і выставай калажаў  «Адвечных кніг жывыя душы»; паспрабаваць напісаць пяром у сшытку віншаванне са святам; прыняць удзел у конкурсна-гульнёвай праграме  «Ярмарка призов» і конкурсе дзіцячага малюнка на асфальце «Я рисую мир»; выбраць па густу кнігу з кніжнага развала «Что вы предпоЧИТАЕТЕ?». Аматары мастацкага роспісу твару з ахвотай карысталіся паслугай  «Аквагрим».


 Наверх

 

 

 e-mail© Смаргонская раённая бібліятэка, 2011